Նոյեմբերի 2-ին Կոտայքի մարզում տեղի է ունեցել ողբերգական ավտովթար, որի արդյունքում ավտոմեքենաներից մեկը բռնկվել և ամբողջովին այրվել է։ Ճանապարհային միջադեպը տեղի է ունեցել, երբ «ԻԺ» մակնիշի մոտոցիկլը բախվել է «Opel Astra»-ին, ինչի հետևանքով «Opel»-ը դուրս է եկել ճանապարհից, բախվել ծառին և բռնկվել։ Տեղի ունեցած հրդեհի հետևանքով «Opel Astra»-ն վերածվել է մոխրակույտի, իսկ «ԻԺ»-ը՝ մետաղե ջարդոնի։

Վթարի հետևանքով կա 1 զոհ և 1 վիրավոր։ Փրկարարները և շտապ օգնության աշխատակիցները օպերատիվորեն ժամանել են դեպքի վայր՝ վիրավորին տեղափոխելով հիվանդանոց։ Դեպքի հանգամանքները պարզելու նպատակով Կոտայքի մարզի քննչական բաժնում նախաձեռնվել է քրեական վարույթ։

Ծանուցում: Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ դատարանի օրինական վճռով։