FlyOne ավիաընկերությունն իր ռեպերտուարի մեջ է՝ ուղևորները հերթական անգամ հայտնվել են խնդրի առաջ:
Այսօր առավոտյան ժամը 07:00-ին Երևան- Բարսելոնա մեկնող ինքնաթիռը դեռ չի մեկնել: Ինչպես MediaHub-ին ահազանգեց ուղևորներից մեկը, նստեցումից հետո իրենք պարզել են, որ ինքնաթիռի դուռը չի փակվում, լուրջ խնդիր կա և ահա ժամուկեսից ավելի իրենք օդանավից հետևում են, թե ինչպես են մեկը մյուսի ետևից մասնագետներ գալիս, որպեսզի դուռը կարողանան կարգավորեն: Բայց դեռ արդյունքը չկա:
Քաղաքացին նշեց, որ որևէ հստակ բան չեն ասում, թե ինչպես է այս հարցը կարգավորվելու, բայց լուռ դժգոհություն է հասունանում՝ ի վերջո, ինքնաթիռի դուռ չփակվելը լուրջ խնդիր է և մարդիկ վախենում են այդպիսի օդանավով մեկնել:
«Մեզ անգամ ավիաընկերությունից ոչ մի ներկայացուցիչ չմոտեցավ, որ հայտնի մի բան, հանգստացնի: Սա խայտառակություն է»,- դժգոհեց մեր զրուցակիցը:
Այս պահին էլ դեռ նորոգման աշխատանքները շարունակվում են: MediaHub-ը հաջորդիվ կտեղեկացնի, թե ինչով ավարտվեց այս ավիաընկերության հերթական տհաճ անակնկալը ուղևորներին:
ՄԱՆՐԱՄԱՍՆԵՐԸ՝
Leave a Reply